أتــوب للــــه وأعبـــده وألــعـن ابليــــس
كلـمــا عصيــت وزاد قـلــبـــي شـقــــاوه
أحيـــان أحـس انـي تجمــع هـواجيــــس
وأحـيــان أحـس انـي مجمــع غـبـــــاوه
وأنــا على أصنـاف الوجـع والأحاسيس
اليا شكيـت ايـقـال: ( جـرحــــك وداوه )
اليــا أظلـمـت حـبًـرت بيض القراطيـــس
أشــكـي وداع الـزيـــن والا فضــــــاوه
( حيـــــاه مشــئـــومه ) بكـل المقايـيـس
فيـهـا من أنـواع الطـغـى والـقســـــاوه
عـايـش حيـــاة ٍ كــل أبـوهـا كـراديــــس
مـــع مـن يـعــــادون النقـاء والصفاوه
واحـدهم أشبــه ما يشــابه لـه الــتيــس
( مرعـى بلا صنـعى ) يعـــيش بدنــاوه
عــاكـس ومثـلـه واجــديـــن العواكيـس
ما حــس بالايـمــان طـعــــم وحـــــلاوه
مـلـحـوس مخّــه في صفوف الملاحيس
ما شيــف ســاجـد في جـبيـــنه نــــداوه
( كتــل هـوامـــش ) يعشقون الدنافيـس
عـلـى بصـــرهـم والـضــمـاير غشـاوه
أحــد ٍ ولا هـمّــه سوى صـــرّة الكيــس
وأحـــد ٍ همـــومـه بالغــلاء والـــغلاوه
وأحـد ٍ همـومه قيمة (مزايـن العــيس)
وأحــد ٍ تخصص حـــش..نـــم..وشفاوه
وش هالسذاجه ؟ ويـن ذيك النواميس؟
وش فرقـنـا عنـــهم بغيــــــر الـرداوه ؟!
الخــافي أعـظــم والخوااافي متاريـس
ما أسهـل عليـنــا عـدّهــا في رهــــاوه
من بيـــنـنـا وااااجد حرااار وقرانيـس
بــس الدنـــئ ايعــــاف صف الـــــعلاوه
مـن يـوم قـــــاموا يحجبون الفوانيس
أيـقــنــت بالظلمــــه وكثـــــر الطـغــاوه
قلــــوب مثـــل محــرّقــات المحاميس
لـكـن من الخـــارج صفـاء و نـقــــــاوه
الظــــاهر انـهـم عنـد ربـي مفـاليــس
لا صــــار بالشمـراخ ملمــس طرااااوه
أستـغـفـر اللـه عن طريـق المناكيـس
اللـي لـه أسجـــد لا شعـــرت بقســـاوه
لولاه تلقـــــــوني عبــدت الهواجيــس
ولولاه ما حسيـــــت بأنــــس وهـــداوه
أول : ليـــــا جتنـــي رؤوس الأباليس
خـذتنـــي امـا طـيـــب , والا فـتـــــــاوه
واليـوم : لا هـالـت عـليّ الوساويس
قضّـيــــت ليـلي بالـدعــــاء والتـــــلاوه
الشآعر الصديق ~ عبدالمجيد الشمري
..
ايه حذفت السلم ..
